ಕಂಪ್ಯು ಇನ್ ಕನ್ನಡ ಲೇಖನ ಪುಟಕ್ಕೆ ಸುಸ್ವಾಗತ ಇಲ್ಲಿ ನೀವು ಕಂಪ್ಯು ಇನ್ ಕನ್ನಡದಲ್ಲಿ ಪ್ರಕಟಿಸಿದ ಎಲ್ಲ ಲೇಖನಗಳನ್ನು ವೀಕ್ಷಿಸಬಹುದು ಮತ್ತು ನಿಮ್ಮ ಅಭಿಪ್ರಾಯವನ್ನು ಹಂಚಿಕೊಳ್ಳಬಹುದು. ಕಂಪ್ಯು ಇನ್ ಕನ್ನಡದ ಮುಖ್ಯ ಜಾಲತಾಣಕ್ಕೆ ಹೋಗಲು ಇಲ್ಲಿ ಕ್ಲಿಕ್ಕಿಸಿ. www.compuinkannada.co.cc

Wednesday, July 14, 2010


ಗೂಗಲ್ IME ತಂತ್ರಾಶವು ಡೌನ್ಲೋಡ್ ಮಾಡಿಕೊಳ್ಳಲು ಲಭ್ಯವಿದೆ. ಈ ತಂತ್ರಾಶದ ಸಹಾಯದಿಂದ ನೀವು ಕನ್ನಡವನ್ನು ಅತ್ಯಂತ ಸುಲಭವಾಗಿ ಟೈಪಿಸಬಹುದು. ಇದರಲ್ಲಿ ಪದ-ಪೂರ್ತಿ, virtual ಕೀಲಿಮಣೆ ಮುಂತಾದ ಉಪಯುಕ್ತ ಸೌಲಭ್ಯಗಳನ್ನೂ ಅಳವಡಿಸಲಾಗಿದೆ.


ಡೌನ್ಲೋಡ್ ಮಾಡಿಕೊಳ್ಳಲು ಇಲ್ಲಿ ಕ್ಲಿಕ್ಕಿಸಿ,

Saturday, April 10, 2010

WOT ಜಾಲತಾಣ ರೇಟಿಂಗ್ ಪ್ಲಗಿನ್

ನೀವು ದಿನವು ಹಲವಾರು ಜಾಲತಾಣಗಳಿಗೆ ಭೇಟಿ ನೀಡುತ್ತೀರಿ ಮತ್ತು ಅವುಗಳಿಗೆ ರೆಜಿಸ್ಟರ್ ಆಗುತ್ತೀರಿ ಆದರೆ ಆ ಜಾಲತಾಣಗಳು ಎಷ್ಟು ನಂಬಿಕೆಗೆ ಅರ್ಹವಾಗಿವೆ ಎಂಬುದು ನಿಮಗೂ ಗೊತ್ತಿರುವುದಿಲ್ಲ ಮತ್ತು ಆ ಜಾಲತಾಣದವರು ನಿಮ್ಮಿಂದ ಪಡೆದ ಮಾಹಿತಿಯನ್ನು ಗುಪ್ತವಾಗಿಡುವರೇ ಅಥವಾ ನಿಮಗೆ ಸ್ಪಾಮ್ ಮಾಡಲು ಬಳಸುವರೆ ಎಂಬುದು ಸಹ ಗೊತ್ತಾಗುವುದಿಲ್ಲ ಹೀಗಾಗಿ ನೀವು ಯಾವ ಜಾಲತಾಣವನ್ನು ನಂಬಬೇಕು ಮತ್ತು ಯಾವ ಜಾಲತಾಣವನ್ನು ನಂಬಬಾರದು ಎಂಬ ತಾಕಲಾಟಕ್ಕೆ ಬೀಳುತ್ತಿರಿ. ಇದನ್ನೇಲ್ಲ ತಡೆಯಲು ಮತ್ತು ವೆಬ್ ಸೈಟ್ ನ ಗುಣಮಟ್ಟವನ್ನು ಅರಿಯಲು ನೀವು WOT ಪ್ಲಗಿನ್ ಅನ್ನು ನಿಮ್ಮ ಗಣಕದಲ್ಲಿ ಅಳವಡಿಸಿಕೊಳ್ಳಬಹುದು. ಇದು ಉಚಿತವಾಗಿದ್ದು ಸಧ್ಯಕ್ಕೆ ಗೂಗಲ್ ಕ್ರೋಮ್, ಇಂಟರ್ ನೆಟ್ ಎಕ್ಸ್‍ಪ್ಲೊರರ್ ಮತ್ತು ಫೈರ್ ಫಾಕ್ಸ್ ಬ್ರೌಸರ್ ಗಳಿಗೆ ಈ ಪ್ಲಗಿನ್ ಅನ್ನು ಅಳವಡಿಸಿಕೊಳ್ಳಬಹುದು ಮತ್ತು ಇದು ಸಂಪೂರ್ಣ ಉಚಿತವಾಗಿದೆ. ಹೆಚ್ಚಿನ ಮಾಹಿತಿಗಾಗಿ www.mywot.com ಗೆ ಭೇಟಿ ನೀಡಿ.

ಶ್ರೀನಿವಾಸ ನಾಯಿಕ

Sunday, April 4, 2010

ಕನ್ನಡದಲ್ಲಿ ಕಂಪ್ಯೂಟರ್ ಶಿಕ್ಷಣ ಮತ್ತು ಟೂಟರ್ಸ, ಧ್ವನಿವಾಹಿನಿ

ಕಂಪ್ಯೂಟರ್ ಇಂದಿನ ದಿನಗಳಲ್ಲಿ ಕೇವಲ ಒಂದು ಪರಿಕಲ್ಪನೆಯಾಗಿ ಉಳಿದಿಲ್ಲ, ಅದು ನಮ್ಮ ಜನ ಜೀವನದ ಪರಿಕಲ್ಪನೆಯನ್ನೇ ಬದಲಿಸಿದೆ. ನಿತ್ಯ ಬದುಕಿನ ವಿಧಾನವೇ ಅದಾಗಿದೆ. 1950ರ ನಂತರದ ದಶಕಗಳಲ್ಲಿ ಯಾರೂ ಊಹಿಸಲಾರದಷ್ಟು ತ್ವರಿತಗತಿಯಲ್ಲಿ ಬೆಳವಣಿಗೆ ಕಂಡ ಕಂಪ್ಯೂಟರ್, ಇಂದಿಗೆ ಎ.ಟಿ.ಎಮ್. ಮೂಲಕ ಹಣ ಕೊಡುವ ಹೆಮ್ಮರವಾಗಿ ಬೆಳೆದು ನಿಂತಿದೆ. ಇಂದಿನ ದಿನಗಳಲ್ಲಿ ವಿದ್ಯಾವಂತರಾಗಿ ಕಂಪ್ಯೂಟರ್ ಕಲಿಯುವುದೂ ಬದ್ದಿವಂತಿಕೆಯ ಲಕ್ಷಣವೆನಿಸಿದೆ. ಕಂಪ್ಯೂಟರ್ ಗೂ ಮನುಷ್ಯನಂತೆಯೆ ಎರಡು ಸ್ಮೃತಿಗಳಿವೆ. ಒಂದು ತಾತ್ಕಾಲಿಕ ಸ್ಮತಿ ಇನ್ನೊಂದು ಶಾಶ್ವತ ಸ್ಮೃತಿ (Random Access Memory, and Read only Memory). ಇವುಗಳ ಬಗ್ಗೆ ಮುಂದೆ ನೋಡೋಣ. ಕಂಪ್ಯೂಟರ್ ಸ್ವತಃ ಯಂತ್ರ ಭಾಷೆ ಹೊಂದಿದೆ. ಅದು ತನ್ನ ಯಂತ್ರ ಭಾಷೆಯಿಂದಲೇ ಬಳಕೆ ದಾರರ ಸೂಚನೆ ಆದೇಶಗಳನ್ನು (Instructions and commands) ಪಾಲಿಸುತ್ತದೆ. ತೆರೆಯಮೇಲೆ ಪ್ರತಿಕ್ರಿಯಿಸುತ್ತದೆ. ನಮ್ಮೊಡನೆ ಸಂವಾದ ನಡೆಸುತ್ತದೆ. ಅದೇ ಬೈನರಿ ಭಾಷೆಯಾಗಿದೆ. ಪ್ರಧಾನ ಕಾರ್ಯಾಚರಣೆಯ ತಂತ್ರಾಂಶವೂ ಸೇರಿದಂತೆ ಅಂದರೆ ಆಪರೇಟಿಂಗ್ ಸಿಸ್ಟಂ ಸೇರಿದಂತೆ ಬರೆಯಲ್ಪಡುವ ಪ್ರೋಗ್ರಾಂಮಿಂಗ್ ಸೋರ್ಸ್ಕೊಡ್ಸ್ ( ಸಂಕೇತಿಕ ಕಾರ್ಯವಿಧಿಗಳೆಲ್ಲವೂ) ಎಲ್ಲವೂ ತೆರೆಯ ಮರೆಯಲ್ಲೇ ಕಂಪೈಲರ್ ಗಳಿಂದ ಬೈನರಿ ಭಾಷೆಗೆ ತರ್ಜುಮೆಗೊಳ್ಳುತ್ತವೆ. ಕಂಪ್ಯೂಟರ್ ಮೊದಲು ಗಣಿತದ ಲೆಕ್ಕಾಚಾರ ಪ್ರಕ್ರಿಯೆಗಳನ್ನು ಮಾಡುಂತಹ ಯಂತ್ರವಷ್ಟೇ ಆಗಿತ್ತು. ಅದರಾಚೆಗೂ ಬೆಳೆದು ಅಭಿವೃದ್ಧಿಪಥದಲ್ಲಿ ಸಾಗಿರುವ ಕಂಪ್ಯೂಟರ್ ಗೆ ತಿಳಿಯುವುದು ದ್ಚಿಮಾನ ಪದ್ಧತಿಯ ಸಂಖ್ಯೆಗಳೇ. ಅಕ್ಷರಗಳು, ಅಂಕೆಗಳು, ಚಿತ್ರಗಳು, ಶಬ್ಬಗಳು, ಕೋಮಾ, ಫುಲ್ ಸ್ಟಾಪ್, ಪಂಕ್ಷಯೇಷನ್ , ಇತರೆ ಏನೆಲ್ಲವೂ ಸೇರಿದಂತೆ ಸ್ವತಃ ಅದರ ಕಾರ್ಯನಿರ್ವಹಣೆಯಲ್ಲಿನ ಸೂಚನಾ ವಿಧಿ ವಿಧಾನಗಳೇ ಸಂಖ್ಯೆಗಳಿಂದ ಕೂಡಿರುತ್ತವೆ. ಇದೆಲ್ಲವೂ ದ್ಚಿಮಾನ ಪದ್ಧತಿಯ ಬೈನರಿ ಕೋಡ್ಸ್ಗಳಿಂದಲೇ ಸಾಧ್ಯವಾಗಿದೆ. ಕಂಪ್ಯೂಟರ್ ಈ ಕೆಳಕಂಡ ಸ್ತರಗಳಲ್ಲಿ ಕೆಲಸ ಮಾಡುತ್ತದೆ- 1.ಹಾರ್ಡ್ ವೇರ್- ಬಿಡಿಭಾಗಗಳು, 2.ಸಾಫ್ಟ್ ವೇರ್ ಅಥವಾ ಪ್ರೋಗ್ರಾಂಸ್ – ತಂತ್ರಾಂಶಗಳು, 3.ಡೇಟಾ- ದತ್ತಾಂಶಗಳು, 4. ಪ್ರಾಸೆಸಿಂಗ್- ಸಂಸ್ಕರಣೆ ಮತ್ತು 5. ಔಟ್ ಪುಟ್ ರಿಸಲ್ಟ್- ಇನ್ ಫರ್ಮೇ ಷನ್- ಮಾಹಿತಿಯಾಗಿ ಫಲಿತಾಂಶಗಳು. -ಇದನ್ನೆಲ್ಲ ಬಳಸಿಕೊಳ್ಳುವ ನಾವೇ ಯೂಸರ್ಸ್-ಬಳಕೆದಾರರು. ಕನ್ನಡ ಕಂಪ್ಯೂಟರ್ ಟ್ಯೂಟರ್ಸ,ಧ್ವನಿವಾಹಿನಿ ಮತ್ತು ಪುಸ್ತಕಗಳು ಹಾಗೂ ಹೆಚ್ಚಿನ ವಿವರಗಳಿಗೆ ಇಲ್ಲಿ ಕ್ಲಿಕ್ಕಿಸಿ- http://ritertimes.com

Sunday, February 21, 2010

ಆರ್ಕುಟ್ಟಿಗರೇ ಎಚ್ಚರಿಕೆ

ಯಾರದೇ ಫ್ರೊಫೈಲ್ ನಲ್ಲಿ ಕಾಣೋ "CHECK MY PROFILE FOR FREE MOBILE RECHARGE" ಅಥವಾ "SEE MY SEXY PHOTOS CLICK HERE" ಅನ್ನೋದನ್ನು ದಯವಿಟ್ಟು ಯಾರೂ ಪ್ರಯತ್ನಿಸಬೇಡಿ. ಇದರಿಂದ ನಿಮ್ಮ ಅಕೌಂಟ್ ಹ್ಯಾಕ್ ಆಗುತ್ತದೆ. ನಿಮ್ಮ ಅಕೌಂಟ್ ನಿಂದ ನಿಮ್ಮ ಸ್ನೇಹಿತರ ಖಾತೆಗೆ ಮಿಂಚಂಚೆಯನ್ನು ತಾನಾಗೇ ಕಳಿಸುತ್ತದೆ. ನಿಮ್ಮ ಸ್ನೇಹಿತರ ಫೋಟೋಗಳಿಗೆ ತಾನಾಗೇ comment ಕಳಿಸುತ್ತದೆ. ನಿಮ್ಮ ಸ್ನೇಹಿತರು ಸಹ ಪ್ರಯತ್ನಿಸಿದಲ್ಲಿ, ಅವರ ಖಾತೆಯು ಸಹ ಹ್ಯಾಕ್ ಆಗುತ್ತದೆ. ಒಬ್ಬರಿಂದ ಒಬ್ಬರಿಗೆ ಮೆಸೇಜುಗಳನ್ನು ಕಳಿಸುತ್ತಲೇ ಇರುತ್ತದೆ.

ನನ್ನ ಫ್ರೊಫೈಲ್ ನಲ್ಲಿ ಸಹ ಹ್ಯಾಕ್ ಆಗಿತ್ತು. ಈಗ ಅದನ್ನು ಸರಿ ಮಾಡಿದ್ದೇನೆ. ಈ ರೀತಿ ಆದಲ್ಲಿ ಏನು ಮಾಡಬೇಕು ಅನ್ನೋದರ ಬಗ್ಗೆ ಕೆಲವು ಸುರಕ್ಷತಾ ಸಲಹೆಗಳು.
1) ನಿಮ್ಮ ಸ್ನೇಹಿತರು ಯಾರೇ ಇರಲಿ, ಅವರ ಫ್ರೊಫೈಲ್ ನಲ್ಲಿ ಕಾಣೋ ಸಂಶಯಾಸ್ಪದ ಲಿಂಕ್ ಗಳನ್ನು ಕ್ಲಿಕ್ ಮಾಡಬೇಡಿ.
2) ಅದನ್ನು ಕ್ಲಿಕ್ ಮಾಡಿದರೆ, ಅಥವಾ ಜಾವಾ ಸ್ಕ್ರಿಪ್ಟ್ ನ್ನು ರನ್ ಮಾಡಿದರೆ, ಅದು ನಿಮ್ಮ ಈಮೇಲ್ ನ ಪಾಸ್ ವರ್ಡ್ ಕೇಳುತ್ತದೆ. ಅಥವಾ ನಿಮ್ಮ ಮೊಬೈಲ್ ದೂರವಾಣಿ ಸಂಖ್ಯೆ ಕೇಳುತ್ತದೆ. (ಬ್ಲಾಗ್ ಗಳಲ್ಲಿ ಕಾಮೆಂಟ್ ಬರೆಯುವಾಗ ಪಾಸ್ ವರ್ಡ್ ಕೇಳುವುದು ಸಹಜ.) ಅವಾಗ ನಿಮ್ಮ ದೂರವಾಣಿ ಸಂಖ್ಯೆ ಅಥವಾ ಪಾಸ್ ವರ್ಡ್ ಕೊಡಬೇಡಿ.
3) ನೀವು ಕೊಟ್ಟ ನಂತರ, ನಿಮ್ಮ ಪ್ರೊಫೈಲ್ ನಲ್ಲಿ ಸಹ "CHECK MY PROFILE FOR FREE MOBILE RECHARGE" ಅಥವಾ "SEE MY SEXY PHOTOS CLICK HERE" ಅಂತಾ ತೋರಿಸುತ್ತಿದ್ದರೆ, ನಿಮ್ಮ ಪ್ರೊಫೈಲ್ ಹ್ಯಾಕ್ ಆಗಿದೆ ಅಂತಲೇ ಅರ್ಥ.
4) ಒಂದು ವೇಳೆ ನಿಮಗೆ ಗೊತ್ತಿಯೋ, ಗೊತ್ತಿಲ್ಲದೆಯೋ ನಿಮ್ಮ ಖಾತೆ ಹ್ಯಾಕ್ ಆದಲ್ಲಿ, ಮೊದಲು ನಿಮ್ಮ ಗೂಗಲ್ ಖಾತೆಯ ಪಾಸ್ ವರ್ಡ್ ಬದಲಾಯಿಸಿ.
5) ಕುಕೀಗಳನ್ನು ಹಾಗೂ ಟೆಂಪರರಿ ಇಂಟರ್ ನೆಟ್ ಫೈಲ್ ಗಳನ್ನು ಹಾಗೂ ಸಂಗ್ರಹಿಸಿಟ್ಟುಕೊಂಡ ಪಾಸ್ ವರ್ಡ್ ಗಳನ್ನು ಡಿಲೀಟ್ ಮಾಡಿ.
6) ನಿಮ್ಮ ಆರ್ಕುಟ್ ಖಾತೆಯ ಅಪ್ ಡೇಟ್ ಗಳು ಎಲ್ಲರಿಗೂ ಕಾಣುವುದನ್ನು ಮರೆ ಮಾಡಿ.
7) ಪ್ರೊಫೈಲ್ ಎಡಿಟ್ ಮಾಡಿ, about me ಕಾಲಮ್ ನ ಅಳಿಸಿ ಹಾಕಿ.
8) ಎಡಿಟ್ ಮಾಡಲು ಸಾಧ್ಯವಾಗದಿದ್ದಲ್ಲಿ, ಆತುರವಾಗಿ ಆರ್ಕುಟ್ ಖಾತೆಯನ್ನು ಡಿಲೀಟ್ ಮಾಡಬೇಡಿ, ಸುಮಾರು ಎಂಟು ಗಂಟೆಗಳ ತರುವಾಯ ಪ್ರಯತ್ನಿಸಿ, ಆಗ ಸಾಧ್ಯವಾಗುತ್ತದೆ. ಆಗಲಿಲ್ಲವಾದರೆ, ಒಂದೆರಡು ದಿನಗಳವರೆಗಾದರೂ ಕಾಯಬೇಕಾಗುತ್ತದೆ.
9) Phishing Attack ಅಥವಾ Report Abuse (ನಿಂದನೆ ವರದಿ) ವರದಿ ಮಾಡುವುದರಿಂದಲೂ ಸಹ ಇದನ್ನು ಸರಿ ಮಾಡಬಹುದು. ಇದರಿಂದ ನಿಮ್ಮ ಆರ್ಕುಟ್ ಖಾತೆ ಡಿಲೀಟ್ ಆಗುವ ಸಾಧ್ಯತೆಗಳಿವೆ.
10) ಈ ಲೇಖನವನ್ನು ಪ್ರಚಾರಪಡಿಸಿ. ನಿಮ್ಮೆಲ್ಲ ಸ್ನೇಹಿತರಿಗೂ ತಿಳಿಸಿ. ಹ್ಯಾಕಿಂಗ್ ವಿರುದ್ಧ ನಿಮ್ಮ ವೋಟು ಹಾಕಿ.

ಇಂತಿ, ನಿಮ್ಮ ಪ್ರೀತಿಯ
ಯಳವತ್ತಿ

Friday, February 5, 2010

ಆನ್‌ಲೈನ್ ಸ್ಟೊರೆಜ್ ನಿಂದ ನಿಮ್ಮ ಗಣಕದ ಜಾಗವನ್ನು ಮುಕ್ತಗೊಳಿಸಿ..

ನಿಮ್ಮ ಗಣಕದಲ್ಲಿ ಕಡತಗಳು ತುಂಬಿ ತುಳುಕಾಡುತ್ತಿವೆಯೇ? ಹೊಸ ಕಡತಗಳನ್ನು ಉಳಿಸಲು ಜಾಗ ಸಾಲುತ್ತಿಲ್ಲವೆ? ಇದಕ್ಕೆ ಉತ್ತಮ ಉಪಾಯವೆಂದರೆ ಆನ್‌ಲೈನ್ ಸ್ಟೊರೆಜ್. ಆನ್‌ಲೈನ್ ಸ್ಟೊರೆಜ್ ಎಂದರೆ ನಿಮ್ಮ ಗಣಕದಲ್ಲಿರುವ ಕಡತವನ್ನು ಇಂಟರ್‌ನೆಟ್‌ಗೆ ಅಪ್‌ಲೋಡ್ ಮಾಡುವುದು ಎಂದರ್ಥ. ಹೀಗೆ ಅಪ್‌ಲೋಡ್ ಮಾಡಿದ ಫೈಲ್ ಗಳನ್ನು ನಿಮ್ಮ ಗಣಕದಿಂದ ಅಳಿಸಿ ಹಾಕಿ ನಿಮ್ಮ ಗಣಕದ ಉಪಯುಕ್ತವಾದ ಜಾಗವನ್ನು ಉಳಿಸಬಹುದು.
ಆನ್‌ಲೈನ್ ಸ್ಟೊರೆಜ್ ಗೆ ಖಾತೆ (ಅಕೌಂಟ್) ತೆಗೆಯುವುದು:
೧] ಕೆಳಗೆ ನೀಡಿರುವ ಗುಂಡಿಯನ್ನು ಅದುಮಿ
೨] ನಿಮ್ಮ ಮಾಹಿತಿಯನ್ನು ಆ ಜಾಲತಾಣದಲ್ಲಿ ನಮೂದಿಸಿ ಮತ್ತು ನಿಮ್ಮ ಕಡತಗಳನ್ನು ಅಪ್‌ಲೋಡ್ ಮಾಡಿರಿ.

Join FileFactory Today!

Saturday, January 30, 2010

BSNL ಗ್ರಾಹಕರಿಗೆ ರಿಯಾಯಿತಿ

DataOne BSNL ಬ್ರಾಡಬ್ಯಾಂಡ್ ವು ತನ್ನ ಬ್ರಾಡಬ್ಯಾಂಡ್ ಸೇವೆಯನ್ನು ವಿಸ್ತರಿಸಲು ಮತ್ತು ಅದರ ಬಳಕೆಯನ್ನು ಹೆಚ್ಚಿಸಲು ಸರ್ಕಾರಿ ನೌಕರಿಯಲ್ಲಿರುವ ಗ್ರಾಹಕರಿಗೆ ಮತ್ತು ದೃಷ್ಟಿಯ ತೊಂದರೆಯಿರುವ ಗ್ರಾಹಕರಿಗೆ % ೨೦ ರಷ್ಟು ರಿಯಾಯಿತಿಯನ್ನು ನೀಡಿದೆ. ಈ ಯೋಜನೆಯು ಡಿಸೆಂಬರ್ ೧ ೨೦೦೮ ರಿಂದ ಪ್ರಾರಂಭವಾಗಿದೆ. ಈ ಯೋಜನೆಯ ಸದುಪಯೋಗವನ್ನು ಎಲ್ಲ BSNL ಬ್ರಾಡ್‍ಬ್ಯಾಂಡ್ ಗ್ರಾಹಕರು ಪಡೆಯಬಹುದು ಮತ್ತು ಸದ್ಯಕ್ಕೆ ಚಾಲ್ತಿಯಲ್ಲಿರುವ BSNL ಬ್ರಾಡ್‍ಬ್ಯಾಂಡ್ ಗ್ರಾಹಕರು ಪಡೆದುಕೊಳ್ಳಬಹುದು. ಸರ್ಕಾರಿ ನೌಕರರು ಈ ರಿಯಾಯಿತಿಯನ್ನು ಪಡೆದುಕೊಳ್ಳಲು ತಾವು ಸರ್ಕಾರಿ ನೌಕರಿಯಲ್ಲಿರುವುದಾಗಿ ತಮ್ಮ ಕಛೇರಿಯಿಂದ ಒಂದು ಪ್ರಮಾಣ ಪತ್ರವನ್ನು (certificate) BSNL ಕಛೇರಿಗೆ ಸಲ್ಲಿಸಬೇಕಾಗುತ್ತದೆ.

ಮೊಬೈಲ್ ಸಂದೇಶವನ್ನು ಕನ್ನಡದಲ್ಲೇ ಕಳುಹಿಸಲು ಉಚಿತ ತಂತ್ರಾಂಶ!

IndiSMS ಒಂದು ಉಚಿತ ಮೊಬೈಲ್ ಸಂದೇಶ ರವಾನೆ ತಂತ್ರಾಂಶವಾಗಿದ್ದು ಇದನ್ನು ನಿಮ್ಮ ಮೊಬೈಲ್‍ನಲ್ಲಿ ಅನುಸ್ಥಾಪಿಸಿಕೊಂಡು ಭಾರತೀಯ ಭಾಷೆಗಳಲ್ಲಿ ಉಚಿತವಾಗಿ ಸಂದೇಶಗಳನ್ನು ಕಳುಹಿಸಬಹುದು ಮತ್ತು ಇದಕ್ಕೆ ಇಂಟರ‍್ನೆಟ್ ಸೌಲಭ್ಯ ಬೇಕಾಗುವುದಿಲ್ಲ. ಕನ್ನಡ, ಹಿಂದಿ, ಪಂಜಾಬಿ, ಗುಜರಾತಿ ಮತ್ತು ಬೆಂಗಾಲಿ ಮುಂತಾದ ಭಾಷೆಗಳಲ್ಲಿ ನೀವು ಸಂದೇಶವನ್ನು ಕಳುಹಿಸಬಹುದು. ಅಷ್ಟೇ ಅಲ್ಲದೇ ಬೇರೆಯವರು ಭಾರತೀಯ ಭಾಷೆಗಳಲ್ಲಿ ಕಳುಹಿಸಿದ ಸಂದೇಶವನ್ನು ಸಹ ವೀಕ್ಷಿಸಬಹುದು. ಈ ಉಚಿತ ತಂತ್ರಾಂಶವನ್ನು Eterno Infotech ತಯಾರಿಸಿದೆ. ಹೆಚ್ಚಿನ ಮಾಹಿತಿಗಾಗಿ ಮತ್ತು ಡೌನ್‍ಲೋಡ್ ಮಾಡಿಕೊಳ್ಳಲು www.eternoinfotech.com ಅಥವಾ www.indisms.in ಗೆ ಭೇಟಿ ಕೊಡಿ.